რა უნდა გავითვალისწინოთ სისხლის დონაციამდე?

• დონაციისთვის რეკომედირებული ასაკი არის 18-65 წელი;
• დონაციამდე სასურველია იყოთ ნასაუზმევი;
• თქვენი წონა უნდა იყოს 55 კგ-ზე მეტი;
• არ უნდა გქონდეთ ალერგია რთული ფორმით;
• არ უნდა გქონდეთ სიცხე, რესპირატორული დაავადება;
• არ უნდა იღებდეთ ზრდის ჰორმონებს, ანტიბიოტიკებს, სისხლის გამათხელებელს;
• ქალებისთვის მენსტრუალური ციკლიდან გასული უნდა იყოს მინიმუმ 1 კვირა;
• არ უნდა იყოთ ნაბახუსევი;

COVID-19

ამერიკის წითელი ჯვრის ასაციაციის თანახმად სისხლის დონაცია შესაძლებელია:

COVID-19 ვაქცინაციიდან 14 დღეში.

COVID-19 გადატანიდან შეუზღუდავად.

ბოლო ოთხი თვის განმავლობაში:

• არ უნდა გქონდეთ გაკეთებული პირსინგი, ტატუ ან მეზოთერაპია;
• არ უნდა გქონდეთ ჩატარებული სტომატოლოგიური მანიპულაცია;
• არ აცრილხართ ცოფის ან ტეტანუსის საწინააღმდეგო ვაქცინით;
• არ გქონიათ სხვის სისხლთან კონტაქტი;
  
• არ გქონიათ ქირურგიული ოპერაცია;

თქვენ ვერ შეძლებთ დონაციას თუ:

• გადატანილი გაქვთ ან ატარებთ დაავადებებს: ჰეპატიტი B ან C, სიფილისი;
• ხართ ინფიცირებული აივ ინფექციით;
• გაქვთ სისხლის ან ონკოლოგიური დაავადებები;
• გაქვთ დიაბეტი ან ეპილეფსია;
• ხართ ნარკოტიკების მომხმარებელი;

ადგილზე მოსვლის შემდგომ რა პროცედურების გავლა მომიწევს?

• მოხდება გასაუბრება ექიმ თერაპევტთან;
• თქვენ შეგიმოწმდებათ ტემპერატურა;
• შეგიმოწმდებათ ჰემოგლობინის დონე;
• შეგიმოწმდებათ წნევა;
• შემდგომ გადაინაცვლებთ სისხლის დონაციის ოთახში სადაც მოხდება სისხლის დონაცია;
• დონაციის შემდგომ რამდენიმე წუთით მოისვენებთ მიირთმევთ გაზიან სასმელს და ტკბილეულობას;